Is iomaí uair a bhí sé ina fhear rómánsúil ar an scáileán – agus anois tá an réalta Hollywood Éireannach, Paul Mescal, páirteach i ngrá dá chuid féin.
Tar éis dhá bhliain mar fhear singil agus a bheith gnóthach ag déileáil le hainmniúcháin le haghaidh Oscar, tá grá faighte ag Mescal.
Bhí réalta "Normal People", atá 28 bliain d’aois anois, in ann na deacrachtaí a bhaineann le bheith i ngrá a léiriú agus é ag gníomhú sa tsraith theilifíse sin.
Mar sin féin, anois beidh a fhios aige cad atá i gceist leis sa saol mar atá.
Chonacthas Mescal ag spaisteoireacht timpeall Londain leis an amhránaí Meiriceánach Gracie Abrams.
Agus bhí daoine ag tabhairt faoi deara ná cosúlachtaí atá ann idir Gracie agus Daisy Edgar-Jones a bhí i "Normal People" le Mescal.
Chonacthas Paul agus Gracie "ag pógadh go minic" agus iad ag baint sult as dáta i Mayfair i Londain Dé Domhnaigh, dar le daoine a bhí ann.
Bhí an chuma ar Mescal, atá anois ina réalta sa scannán nua "Gladiator," go raibh sé ar a shuaimhneas nuair a bhí sé amuigh leis an amhránaí.
Chaith sé T-léine bán, caipín daorchluiche (baseball cap) agus bríste géine (denim jeans), agus chaith Gracie Abrams cairdeagan bánbhuí agus bríste dubh le spéaclaí gréine dorcha.
Bhí an chuma ar an lánúin nach raibh cúram an domhain orthu.
Ag pointe amháin, bhain Abrams, atá 24 bliain d’aois, greim as lámh Mescal go spraíúil, agus é ar foscadh a lámh thar a gualainn.
paul mescal & gracie abrams spotted 📸 pic.twitter.com/OOEMwLAZdA
— best of paul mescal (@bestofmescal) August 20, 2024
Chonacthas Mescal agus Abrams le chéile den chéad uair ar dháta i mí an Mheithimh i mbialann i Soho, i Londain.
Agus bhí an lánúin le feiceáil amach le chéile ar fud phríomhchathair Shasana, lena n-áirítear ag teach tábhairne i dtuaisceart Londain.
Mar sin féin, nuair a bhí siad amuigh le chéile ag an deireadh seachtaine, ba é seo an chéad uair don lánúin siúl timpeall le chéile go poiblí.
Bhí láimh le chéile acu, ag comhrá agus iad ag spaisteoireacht trí ghrúpaí turasóirí.
Is iníon í Abrams le stiúrthóir "Star Wars" JJ Abrams agus Katie McGrath.
Is dlúthchara í le Taylor Swift, a rinne cúpla gig mBaile Átha Cliath le déanaí.
D’oibrigh Abrams agus Swift le chéile ar an amhrán Us, a bhfuil an-tóir air go fóill.
* This article was originally published on ExtraG.ie.
Comments